Su Tzentru de terminologia catalana TERMCAT at presentadu s’ infografia “Mobilitat sostenible. Vehicles ferroviaris i vehicles de transport per cable” (Mobilidade sustenìbile. Veìculos ferruviàrios e veìculos de trasportu cun cavu) chi classìficat e illustrat unu grupu de tèrmines leados dae su “Diccionari de mobilitat sostenible”(Ditzionàriu de mobilidade sustenìbile). Sunt binti tèrmines definidos cun s’agiudu de unos cantos espertos, mescamente de sa FGC (Ferrocarrils de la Generalitat de Catalunya).
Sos veìculos ferruviàrios e sos veìculos de trasportu cun cavu tenent un’importu mannu in sa mobilidade sustenìbile, pro su caràtere issoro de mèdios de trasportu pùblicu bonos a fàghere biagare gente meda cun un’impatu ambientale minore.
Su profetu pro s’ambiente est chi si podent sustituire unu nùmeru mannu de màchinas privadas, chi si podet impitare de prus s’elètricu comente fonte de energia e chi si podet reduire meda s’ispàtziu interessadu.
Custa infografia cunsentit de intrare a sas ischedas cun sos sinònimos, sas currispondèntzias in àteras limbas, sas definitziones e, a s’ispissu, sas notas cumplementares.
