Sunt medas sos utentes chi ant signaladu unu problema chi pertocat sas versiones 10 e 11 de Windows. Mancu aviadu, su sistema si blocat.
Sa càusa? Un’agiornamentu reghente de s’antivirus Avira: comente s’aviat s’aplicatzione, Windows sessat de rispòndere a sos cumandos. In carchi casu, b’at computadores chi non resessint mancu a lòmpere a sa fase de carrigamentu.
Sa solutzione prus chi no òvia, isetende chi s’azienda risolvat sa chistione, est de intrare in modalidade provisòria e bogare Avira dae su computadore: in Windows 10 e 11 s’at a ativare Microsoft Defender.
Sos utentes chi non resessint a impreare sa màchina ca si blocat podent proare a intrare in sas optziones avantzadas de Windos in su mentre de s’aviu, seletzionende “arresto”, incarchende su tastu “shift” e seberende “riavvia”.
Gianfranca Orunesu
Leave a comment