Làstima pro su Cagliari chi at pèrdidu in su Maradona contra a saos campiones de Itàlia. A su de 69 minutos Osimhen marcat de conca; a su de 72’ parègiat sos contos Pavoletti ponende·nche intro una bella botza servida dae Luvumbo; a su de 75 Napoli torra in vantàgiu cun Kvaratskhelia cun assist de Oshimen (chi fatu fatu essit dae campu pro neghe de dolores a s’imbena). «Bravos sos pitzocos meos. So cuntentu mannu de sa proa issoro». Custos sos faeddos de mister Ranieri a concruos de sa partida, mancari pèrdida «Amus sufertu sa pressione de su Napoli in su primu tempus e, posca, in su mègius momentu nostru, ant marcadu sas duas retes. Custu est su fùbalu, ma penso chi gherrende comente amus gherradu nos amus a sarvare».
redatzione
Leave a comment