Si narat “Indipendenza” e est una formatzione “noa” cun punnas de disafiu – dae dereta-dereta – a sa dereta guvernativa de Giorgia Meloni. Gianni Alemanno (chi dae carchi mese sunt torrende a l’intervistare in sos programmas tv de atualidade polìtica, semper narende de no èssere antifascista) est su cabu de custu grustu in ue b’est fitnzas s’ex Casapound Simone di Stefano. Custe gente oe s’est presentada, e in una mesa tunda bi fiat fintzas su comunista natzionalista (italianu) Marco Rizzo de Democrazia sovrana e popolare. A su presente nanchi nnon s’ant a alleare ma ischimus chi in polìtica totu est possìbile. Ammentemus chi cando Rizzo esseit cun su Partidu comunista suo nargeit chi “il simbolo è quadrato, le liste nelle schede sono tonde, quindi non ci candideremo alle elezioni”. Duncas e chie nd’ischit si a a sa europeas non b’amus a àere una bitzicleta ruju-bruna?
redatzione
Leave a comment