Su 9 de santandria a sas 10:30 in sa sede de su Crei Acli Sardegna in bia Roma 173/1, in Casteddu, ant a faeddare de su fenòmenu de s’emigratzione argentina a Sardigna. Custu su programma: presentatzione de Mauro Carta, presidente Acli Sardigna e saludos istitutzionales de s’assessore regionale de su Traballu Ada Lai; a sas 11:00 Katia Luciani e Ilaria Urru de su Crei faeddant de Dal sogno americano alla crisi economica argentina; a sas 11:15 La presenza sarda in Argentina cun Vania Statzu e Supportare il rientro dei sardi di ritorno: l’esperienza di Talent in, cun Mauro Carta; a sas 11:30 projetzione de Un fenicottero chiamato Tango, de Antonella Arca e a sas 11:40 tzarra pùblica intitulada Perché gli argentini emigrano in Sardegna?
Talent in Sardinia est unu cuncursu de su Crei (Centro Regionale Emigrazione e Integrazione) pro atirare a Sardigna emigrados e fìgios e nebodes de emigrados de edade intre 18 e 35 annos. Nd’ant a faeddare duas pitzocas chi ant partetzipadu: Denise Misses, de San Isidro, tzìrculu Raíces Sardas de Buenos Aires, cun su progetu Legame, cun s’idea de una piataforma pro atirare professionistas argentinos, e Marianela Fava Signorini, de su tzìrculu Domus Sardinia de Neuquén, cun su progetu Sardegna QR. Reti, connettività e giovani idee, cun s’idea de unu còdighe QR cun totu sos ligàmenes internet de interessu pro su mundu sardu.
(redatzione)
Leave a comment