Cras in Casteddu comintzant sas proas pro otènnere sa tzertificatzione linguìstica C1 de limba sarda. Sos candidados chi ant presentadu domanda e chi sunt cunvocados s’ant a dèvere presentare in su Polu umanìsticu “Sa Duchessa” de carrera de Is Mirrionis 1. Partzidos in s’àula Turing, in sa Belloni e in su Lab 58, ant a dèvere sustènnere sas proas iscritas. Sas orales sunt in programma finas a mèrcuris cun sos candidados partzidos in òrdine alfabèticu. Sa C1 serbit pro tzertificare sa connoschèntzia de sa limba sarda e pro dare premialidades in sas protzeduras de seletzione fatas dae sos entes territoriales pro individuare sos operadores de isportellu linguìsticu e pro s’iscritzione a s’albo de sos dotzentes (ma finas pro pòdere insegnare comente dotzentes esternos cualificados).
redatzione
Leave a comment