Si narat “Social Innovation Fund” e previdit 3 milliones de èuros destinados a s’intelligèntzia artifitziale in Itàlia. Gasi Google ponet a disponimentu de istitutziones acadèmicas, assòtzios no-profit, entes tzìvicos, impresas sotziales e istitutos de chirca unu finantziamentu pro «isvilupare solutziones chi apant un’impatu positivu pro s’ecosistema».
In prus de sos 3 milliones de èuros, su progetu at a dare agiudu tècnicu, ghia (mentorship) e formatzione pro afortire solutziones de IA a manera responsàbile.
Google.org at giai donadu belle prus de 100 milliones de dòllaros a impresas sotziales e organizatziones no-profit chi impreant s’intelligèntzia artifitziale pro promòvere s’impatu sotziale.
Gianfranca Orunesu
Leave a comment