de Salvatore Serra
B’at un’isteddu nou in su chelu de sas Intelligèntzias Artifitziales de arresonu: est Google Bard, unu modellu linguìsticu che nche torrat a sas potentzialidades de sos sìmiles suos, cumintzende dae ChatGPT.
Google Bard bogat profetu dae sos modellos linguìsticos mannos de Big G pro interagire cun su web. Cheret cunsideradu unu rivale de GPT-4, e resessit a nche lu colare pro capatzidades e prestatziones. Pro custu est interessende gente meda.
Sa versione noa est a 50 bortas prus intelligente: non solu agiuat s’indùstria de sa publitzidade e de sas chircas de mercadu, ma ischit finas a cumpònnere mùsica, a elaborare contos, a disinnare cuadros, a editare vìdeos… cunforma a sos cuntenutos chi bisòngiant.
Non b’at de s’ispantare de totu custu, S’Intelligèntzia Artifitziale est divenende su tempus venidore de sa publitzidade. Sos publitzitàrios sunt giai impitende s’IA pro assebertare e segmentare su pùblicu, pro bogare a campu annùntzios creativos, pro los testare e megiorare, pro otimizare sos gastos. E totu custu acuntesset in manera automàtica, in tempus reale e in un’iscala massiva.
Leave a comment