Iscòtzia, Nicola Sturgeon arrestada

Sa giusta iscotzesa at arrestadu a Nicola Sturgeon, s’ex prima ministra de sa natzione britànnica e ghia de su Scottish national party. Dimìtida sos meses colados dae ambos duos sos incàrrigos pro more de istrachidùdine e de disìgiu de si dedicare a issa matessi, nânt chi, Sturgeon est sa de tres persones chi arrestant in intro de s’operatzione Branchform in contu de dinare donadu pro sa campagna indipendentista e male impreadu («misspent» leghimus in su Guardian) dae su partidu. Sas àteras duas persones arrestadas – una su maridu – las illibereint a pustis de 12 oras de porrogu sende netzessàrias àteras indàgines («pending further inquiries» leghimus via Bbc). Sa cosa cheret bida a craru, finamentas pro more de su protagonismu internatzionale suo a pustis de s’invasione russa de s’Ucraina e conca a unu segundu referendum pro s’indipendèntzia dae Londra. Istraca a beru fiat o àteru b’aiat? Movende dae custa istrachidùdine amus lèghidu chi custa fiat sa matessi resone de sas dimissiones de sa prima ministra neozelandesa Jacinta Arden. Ma in cue puru b’aiat àteru (afrentas e minetzas).