“Sa mama” de Grazia Deledda, òpera traduida in sardu dae Giovanni Muroni e publicada dae NOR (colletzione Le Grazie).
Su bentu agiumai nche dd’aiat tragiada, unfrende·ddi su mucadore e sa bestimenta; pariat chi dda cheriat custrìnghere a torrare a intro: issa s’aiat acapiadu a forte su mucadore e aiat sighidu a conca bassa comente pro atumbare a s’intopu; de gasi nch’aiat passadu muru·muru sa domo, s’ortu e sa crèsia: in ie in s’ala si fiat firmada. Pàule aiat furriadu in ie e fiat atraessende agiumai bolende, che a unu pugione nieddu e mannu, cun sa coa de su manteddu bentulende, su campu in dae in antis de una domo betza acanta acanta de sa costera chi serraiat s’orizonte a subra de sa bidda.
Leave a comment