Sa Asl de Tàtari at ativadu un’isportellu pro sa depressione perinatale e post partum. Est operativu in su Consultòriu familiare in sa Palatzina C de bia Rizzeddu.
Custu fenòmenu, chi càusat crisis de prantu, insònnia, mancàntzia de apetitu, intre sos àteros sìntomos, pertocat su 20% de sas mamas.
Intro sas primas tres chidas dae su partu su 70% de sas fèminas tenet carchi sìntomu lèbiu, fisiològicu, de istrachidùmene, prantu e instabilidade umorale, chi a su sòlitu finint sena de problemas.
Ma paret, cunforma a istùdios reghentes, chi finas sos babbos potzant tènnere depressione perinatale in una pertzentuale fache a su 10%.
Su servìtziu est a dispositzione cuntatende su Consultòriu.
(redatzione)
Leave a comment
Ite bella idea! Interessante e giustu pensare puru a sos babbos noos