Murales, iscritas, immàgines o installatziones in logu pùblicu. Est de custu chi faeddat s’ischema de regulamentu comunale aprovadu dae sa Giunta de Cuartu e chi como at èssere ogetu de allega intre sos cussigeris tzitadinos pro s’adotzione definitiva. Su Comunu, chi a su presente non disciplinat sas fainas artìsticas peri sas carreras in sos ispàtzios de propiedade comunale o postos a disponimentu dae àteros sugetos pùblicos o privados, como cheret «fissare unas cantas règulas sena mortificare s’ispontaneidade e sa creatividade», comente afirmadu dae su primu tzitadinu Graziano Milia. «Una mancàntzia chi nde blocaiat s’isvilupu e chi negaiat sa valorizatzione de su territòriu comunale», nât chi. Sa realizatzione de sas òperas at a èssere a caràtere gratùitu a pustis de sa valutatzione de sa Cummissione esaminadora chi s’at a espressare in contu de calidade artìstica e de originalidade progetuale.
redatzione
fonte immàgine https://www.comune.quartu.ca.it/images/murales_viale_colombo.jpg