Est comintzende unu progetu de istùdiu e compudu de su gatu agreste sardu istèrridu dae su dipartimentu de Veterinària de s’Universidade de Tàtari e dae su Museu de istòria naturale de sa Maremma. Su gatu agreste sardu (Felis silvestris lybica) est unu felinu de orìgine africana, diferente dae sa chi est presente in Itàlia e in Europa. De prus, est un’ispètzia proteta, avesada a sas rundas noturnas cun fàghere apartadu. A su presente no est craru in cales tretos de Sardigna nche paret custu gatu. Nemmancu ischimus si sas populatziones presentes siant puras o burdas ghetende·si a sos gatos masedos. Pro custu, pro chi si potzant istudiare sas caraterìsticas genèticas e morfològicas e pro chi si potzant individuare sos tretos chi los acasàgiant, sos promotores de su progetu diant chèrrere chi che si siat si nde sebestet (fintzas de carùmenes) tiret fotografias, giret carchi clip e nch’imbiet totu cantu a su Prof. Massimo Scandura (scandura@uniss.it), a sa dotora Roberta Lecis (rlecis@uniss.it) e a su dotore Marco Muzzeddu (mmuzzeddu@forestas.it).
redatzione
Leave a comment