“Donna Berta” de Leopoldo Clarín Alas, òpera traduida in sardu dae Giovanni Muroni e publicada dae Condaghes in su 2012 (colletzione Àndalas).
A printzìpiu, furiosu, arrennegadu, sulaiat, saddiaiat, farrancaiat e mossigaiat ghennas e muros e su ferru de s’inferriada. A coa, cun s’ùrtima ressignatzione de sa debilesa suprema, si fiat fulliadu in unu cugione; e fiat mortu forsis bidende sas mariposas chi non podiat cassare, ma chi dd’allegraiant sas dies, in ie in s’Aren, froridu dae su mese de abrile, de erba frisca e umbra deleitosa in sas làcanas suas, in s’oru de s’arroja chi ddi mutiant riu sos segnores de Susacasa.
Leave a comment