Nch’est cròmpida a Sardigna Omicron Centaurus, sa variante indiana de su Covid. Connòschidu finamentas comente BA.2.75, su virus est istadu secuentziadu in sos laboratòrios de s’Azienda ospidalera universitària casteddaja.
Su primu casu pertocat una patziente de 40 annos, resurtada positiva dae su 10 de austu. Sa fèmina est in isulamentu domitziliare e istat bene.
Su casu est essidu a campu gràtzias a su programma de controllu ativu chi s’Aou de Casteddu at postu in èssere pro patzientes e dipendentes. Pro como sa variante dominante abarrat Omicron 5 ma sa contagiosidade lestra de Centaurus diat pòdere mudare sa situatzione.
Gianfranca Orunesu
(foto Ansa)