Creschet s’isetu pro s’eventu – organizadu dae Sardegna Concerti in collaboratzione cun Insula Events & Barley arts – chi at a bìdere protagonista Ben Harper & The Innocent Criminals in su Parco dei suoni in Arriora.
A pustis de duos annos de rinvios pro neghe de sa pandemia, su musitzista istadunidense nche lompet a Sardigna.
Bloodline Maintenance, s’ùrtimu album registradu in pare cun The Innocent Criminals, collit 11 branos chi ammesturant sonos emotzionantes dae su blues a su funk, colende peri su soul.
De su restu, Ben Harper est nòdidu pro èssere un’artista de fama mundiale capatze de alternare varios gèneres musicales pro dare vida a sinfonias chi carignant s’ànima.
Gianfranca Orunesu
(Foto barleyarts.com)