Est istada una ruta a cajonare sa morte de Fabrizio Passerò, s’òmine de 49 annos de Bosa, agatadu mortu su mangianu de su 24 de freàrgiu in una corte de arborada S’Alighera. In printzìpiu sos incuirentes ant pessadu a unu omitzìdiu, ma sa notomia, disposta dae sa Procura de sa Repùblica de Aristanis, fata in su Policlìnicu de Monserrato, at averiguadu chi sa ferta a conca Passerò si l’at fata ruende. Su dutore legale at pedidu 90 dies pro nche acabbare sos esames istològicos e iscobèrrere si s’òmine s’est intesu male.
S’ipòtesi de omitzìdiu duncas fiat isballiada: sos Carabineris de su Cumandu Provintziale de Nùgoro e sos ispetzialistas de su RIS de Casteddu sunt intervènnidos pensende chi sa fa ferta a conca bi l’aiat fata calicunu pro l’ochìere.
Fabrizio Passerò at coladu su sero in unu tzilleri de Bosa, sos cumpàngios, porrogados, ant contadu chi lis at naradu de non s’intèndere bene, lis at pedidu de nche l’acumpangiare a domo e l’ant lassadua pagu tretu dae ue l’ant agatadu mortu.
Mariantonietta Piga