Cust’ierru sos ufìtzios, sas iscolas e àteros logos pùblicos, ma finas sos condomìnios, de totu s’Istadu ant a èssere unu pagu prus fritos, ca su guvernu est seberende de abbassare sa temperadura de su riscaldamentu pro avitare dinari e energia. Su prètziu de su gasu est creschende die cun die e non si podet consumare comente a dae in antis, ca si faghet artziare fintzas de prus su prètziu. Cun pagos isfortzos, si podet lòmpere a tènnere remunidos milliardos de metros cubos e firmare custa frebba.
Pagos grados de mancu e cun su dinari e su gas risparmiadu si podet dare agiudu a sas aziendas chi ant prus bisòngiu de energia. Faghende·li pagare de mancu e istransende s’arriscu de tancare. Si fiat faeddende fintzas de torrare a traballare dae a tesu in ufìtzios pùblicos o in s’iscola, ma nudda pro como ant seberadu. Sa punna est de consumire de mancu, in prus logos possìbiles, gasi da èssere autònomos. S’atòngiu no est mancu inghitzadu ma si bidet dae como chi no at a èssere fàtzile meda.
(redatzione)
Leave a comment