Ocannu sa Sardigna est prena de turistas, sos nùmeros nos contant de un’ìsula prus prena de totu sos àteros annos. Sa Giunta s’est leada sos merèssidos de custa crèschida manna, ma fintzas sa situatzione mundiale e europea nos at agiudadu meda.
Totu bene tando? Eja e nono. Sa chistione chi non si cumprendet mai a craru est cantu de su dinari batidu dae sos chi benint abarrat inoghe e cantu andat a aziendas, meres de domos e traballadores chi a santugaine torrant a terramanna. Francu custu, cun totu sa gente chi lompet, s’ìsula creschet de populatzione ma sas infrastruturas abarrant sas matessi. In custos meses agatamus tando zonas de Sardigna cun problemas de tràficu e cun prus intzidentes, tzitades chi non renessent a ammanigiare s’arga e sos servìtzios locales, sa sanidade chi pèleat prus de su sòlitu cun malàidos maicantos e, in concruos, sa dificultade de sos sardos de tzucare a fora fintzas pro chistiones sèrias. S’ospitalidade non b’intrat nudda, si sos nùmeros ant a crèschere s’annu chi benit nos amus a agatare in una mandra prenas de problemas, dae ue non podimus nemmancu fuire.
Oramai su problema no est a la fàghere bènnere sa gente, ma la ammanigiare bene e a fraigare infrastruturas bonas mescamente pro sos sardos.
(redatzione)
Leave a comment