A pustis de meses de mudìmene, sa Regione at inghitzadu a si chesciare pro sa cantidade de progetos de palas eòlicas in su mare a inghìriu de s’ìsula nostra. Su guvernu est mudende a s’ispissu sas lìnias pro inditare sas zonas in ue las fraigare e como sa Giunta cheret fàghere recursu contra a s’Istadu ca no est rispetende sos acordos de s’incumintzu. Sas amministratziones sardas sunt dae meda chi sunt pedende una mòvida pro arressare custu assìtiu, ma sa Regione pariat isetende non s’ischiat ite.
Fintzas a como sos progetos ammanigiados o chi sunt isetende de èssere atzetados diant pòdere dare s’energia a una populatzione de trèighi milliones de persones, cun istruturas in mesu a su mare artas prus de sa turre Eiffel. Sa timoria de gente meda est chi s’isfrutòngiu de su terrinu non diat balàngiu perunu a sos sardos, ma petzi a sas aziendas chi cherent pònnere sas palas eòlicas e a s’Itàlia chi como a unu fàmene mannu de energia. A s’imbesse sa Sardigna como no at bisòngiu perunu de custas fainas, ca produit su baranta pro chentu in prus de cussu chi li serbit, ma a su matessi tempus pagat bulletas salidas meda.
Carchi comuna at inghitzadu a fàghere progetos de comunidades energèticas, pro àere s’energia issoro, non la fàghere pagare a sos tzitadinos e a la mìntere in sa retza. Fintzas sa Giunta pariat interessada, ma non si nde est fatu galu nudda. Su tempus est pagu e su guvernu at presse de otènnere energia, fintzas pro istransire problemas pro neghe de sa gherra. Sa Regione e sos sardos, podent balangiare meda dae custa situatzione, ma totu dipendet dae comente s’at a cumportare sa polìtica sarda. Amus a bìdere ite nd’at a essire.
(redatzione)
Leave a comment
La giunta regionale dovrebbe mettere una condizione: per poter cedere le aree di mare: ci dovete fornire energia gratuita per tutta l’Isola, inoltre scaduto il termine della concessione, se non rinnovata, dovete rimuovere a vostre spese tutto quanto, pena sanzioni economiche gravissime. Altrimenti non se ne fa niente. Posto che nemmeno queste clausole riparerebbero al danno ambientale e turistico, almeno non ne usciremo come sempre corudo e afustigados. Ma dubito che alla Regione ci sia gente dotata di attributi adeguati. Se volete tradurlo in sardo. Scusate ma io, anche se capisco benissimo sa limba e un po’ la parlo, ho preferito in questo caso esprimermi in italiano. Saluti