Su collega frantzesu de Mattarella: unu che a Letta o una che a Meloni?

Si a Mattarella l’ant eletu a pustis de oto iscrutìnios parlamentares, a su collega suo de s’Eliseu l’ant a fàghere pro mèdiu de su ballotàgiu. Sos sistemas eletorales sunt diferentes ca sa de Frantza est una repùblica semi-presidentziale. Ma carchi analogia cun s’Itàlia b’est su matessi, ca a su segundu turnu est comente chi b’andent Enrico Letta e Giorgia Meloni. Emmanuel Macron est lòmpidu primo cun su 28,6% de sos votos; Marine Le Pen segunda cun su 24,4%. Sas analogias finint inoghe, ca su de tres est Jean-Luc Mélenchon, de manca, cun su 20,2%. In Itàlia non bi nd’at de manca a su 20%.

redatzione