Su 3 de martzu a sas chimbe de sero in sa Biblioteca Universitària de Piazza Fiume, in Tàtari, est in programma una die de istùdios dedicada a Enrico Costa in sos 113 annos dae sa morte de s’iscritore.
S’initziativa, organizada dae su Circolo Aristeo, est intitulada Enrico Costa, lo scrittore e la sua città attraverso le sue carte.
Previstos sos interventos de s’assessore comunale a sa Cultura Laura Useri, de su diretore de sa biblioteca Giovanni Fiori, de sa responsàbile de s’Archìviu istòricu comunale Carla Merella e de s’istòricu Giuseppe Zichi.
Sa presidente de Aristeo Simonetta Castia at a presentare su pianu editoriale ligadu a sa publicatzione de su fondo Enrico Costa.
Sa die de istùdios tenet s’agiudu e su patrotzìniu de sa R.A.S. e de sa Fondazione di Sardegna e su patrotzìniu de Comuna e Ministèriu de sa Cultura.
(redatzione)