Su prèmiu Maria Carta de ocannu, organizadu dae sa fundatzione omònima, andat a Grazia Di Michele. S’artista romana in sos ùrtimos meses at presentadu un’ispetàculu musicale dedicadu a sas cantzones de Marisa Sannia.
Unu riconnoschimentu andat finas a sas launeddas, comente istrumentu musicale sìmbolu de s’ìsula.
Pro sos tzìrculos sardos sa fundatzione at premiadu pro custu 2022 su Amici Mediterranei de Arnhem, in Olanda e pro su mundu econòmicu sa sotziedade de Serramanna Sardex pro sa moneda cumplementare .
In prus unu prèmiu ispetziale andat a padre Morittu, responsàbile de s’assòtziu Mondo X.
Sa premiatzione dd’ant a fàghere in Sìligo su 4 de cabudanni.
(redatzione)
Leave a comment