Mahmood e Blanco ant bìnchidu su de 72 Festival de sa cantzone italiana chi est organizadu in sa tzitade lìgure de Sanremo. Ant bnchidu cun “Brividi”. In fatu issoro Elisa cun “O forse sei tu” e Gianni Morandi cun “Apri tutte le porte”. Su resurtu l’ant decrteadu su televotu, Demoscopica 1000 e sala stampa. In èstasi unos cantos sardos pro sa vitòria de su pitzocu cun mama baroniesa (su cantante l’aiat dedicadu una versione sua de “Non poto reposare”). De custa manera amus paregiadu cun s'”afrenta” de Elisabetta Canalis chi cun su spot “La mia Liguria” diat àere traitu sa terra nostra (sighit emoticon cun sa manu in cherbeddos…). Ma sigomente Sanremo è Sanremo e “Sardigna no est Itàlia” est petzi unu slogan, finamentas custa borta bi essit sa chistione de sa limba. A bi diamus resèssere a l’àere fintzas nois unu festival de sa cantzone sarda? Cantos sunt sos artistas sardos chi cantant in sardu? Ma sa neghe s’issoro est? Tropu fàtzile a nàrrere chi emmo. Su bonu de sa cumpositzione de testos in sardu oe pertocat petzi sa poesia e sos cuncursos literàrios, cun pagu isperimentatzione lessicale e cun peruna atinèntzia cun su tràgiu de su càntigu cuntemporàneu. E bogados unos cantos artistas (ca bi los amus e cherent sighidos) non b’amus unu Mogol o unu Massimo Bubola, non b’at un’iscola de iscritura e nen b’at chie punnet (dae artu) a una prospetiva che a custa. Est un’iscummissa o una pèrdida de tempus? Malu diat èssere a comintzare a nde faeddare? O totus lìgures semus?
Su restu de sa classìfica:
4 Irama – Ovunque sarai
5 Sangiovanni – Farfalle
6 Emma – Ogni volta è così
7 La rappresentante di lista – Ciao ciao
8 Massimo Ranieri – Lettera di là dal mare
9 Dargen D’Amico – Dove si balla
10 Michele Bravi – Inverno dei fiori
11 Matteo Romano – Virale
12 Fabrizio Moro – Sei tu
13 Aka 7even – Perfetta così
14 Achille Lauro – Domenica
15 Noemi – Ti amo non lo so dire
16 Ditonellapiaga e Rettore – Chimica
17 Rkomi – Insuperabile
18 Iva Zanicchi – Voglio amarti
19 Giovanni Truppi – Tuo padre, mia madre, Lucia
20 Higsnob & Hu – Abbi cura di te
21 Yuman – Ora e qui
22 Le vibrazioni – Tantissimo
23 Giusy Ferreri – Miele
24 Ana Mena – Duecentomila ore
25 Tananai – Sesso occasionale.
màuru piredda
Leave a comment