Su 17 de santandria de su 2013 moriat in Londra, a s’edade de 94 annos, Doris Lessing, prèmiu Nobel pro sa literadura in su 2007.
Nàschida in su 1919 in Pèrsia, a pitzochedda si nche fiat trasferida cun sa famìllia a Àfrica, in sa Rodhesia meridionale.
In su 1949 aiat lassadu su continente africanu pro andare a istare in Londra.
In ie, in su 1950, aiat publicadu su primu romanzu, The grasss is singing. In s’òpera sua s’autora inglesa at tratadu temas diferentes: chistiones de caràtere sotziale, religiosu, cun un’atentzione particulare a su fenòmenu de su sufismu, chi aiat connotu in terras persianas, feminismu e fantasièntzia.
Su sambenadu suo fiat Tayler. Lessing fiat su de s’ùrtimu maridu, su tedescu Gottfried Lessing.
(redatzione)
Leave a comment