Sighit sa mobilitatzione de sos abitantes de su Mandrolisai e de sa Barbàgia pro sarvare s’ispidale Santu Camillu de Sòrgono. Istasero difatis su comitadu “SOS sanità Barbàgia Mandrolisai” at a fàghere una manifestatzione chi at a tzucare a sas oto e mesa de sero dae tres oros serentes (Atzara, s’Isca de sa mela, sa fàbrica de ortigu de Chinneli) pro si aunire a probe de s’ispidale. In ie su comitadu at a abèrrere unu presìdiu permanente chi at a èssere impreadu pro ammanigiare àteras manifestatziones e pro mantènnere artu s’atentu a sa situatzione de disamparu de sa sanidade in su tzentru de Sardigna. Difatis a su Santu Camillu mancant dutores medas, ma fintzas s’ispidale de Nùgoro tenet problemas de personale e gestione, in prus mancant mèigos de base in biddas medas de su territoriu. Sa manifestatzione est sa de bator e sa de chimbe est giai organizada: at a èssere in Casteddu su bintibator de cabudanni.
(redatzione)
Leave a comment