Su 4 de austu de su 1903 aiant elègidu papa a Giuseppe Melchiorre Sarto, comente Piu X. Nàschidu, primu de deghe fìgios, in una famìllia pòvera de Riese, una bidda de Vèneto, in su 1835, Sarto aiat mandadu a in antis, durante su regnu suo, sa gherra contra a su modernismu cun s’entzìclica Pascendi Dominici Gregis.
Durante s’epidemia de colera de su 1873, galu preìderu, aiat agiuadu a sos malàidos cun assistèntzia ispirituale e materiale.
Una de sas òperas suas prus connotas est su cumpèndiu de su catechismu de sa dotrina cristiana, publicadu in su 1905. Est una rielaboratzione de unu catechismu chi su Papa aiat adotadu cando fiat epìscamu in Mantova. Sa fòrmula est sa de pregonta e risposta, adotada pròpiu pro èssere cumprèndida e imparada mègius dae sa gente pòvera e pagu istruida.
In su 1954 Papa Pio X est istadu proclamadu santu.
(redatzione)
Leave a comment