Catalugna: s’indipendentista Aragonès presidente de sa Generalitat

Sa Catalugna tenet unu presidente nou: a Pere Aragonès i Garcia, indipendentista de su partidu Esquerra Republicana, nche l’ant sètzidu cun 74 votos a favore (sa maoria est de 68). Detzisivu, in prus de su de Erc, su sustegnu de sos de Puigdemont (Junts per Catalunya) e su de sa Cup (sa manca indipendentista). «Mi càndido pro acumprire su protzessu de indipendèntzia», at naradu Aragonès in su Parlament. Sa punna est sa de su referendum acordadu cun s’istadu, che a s’iscotzesu de su 2014. (redatzione)