Finas a sa die de Pasca Manna sas crèsias de Tàtari ant a èssere illuminadas pro dare unu signale de festa. Sos edifìtzios sacros interessados sunt sa Trinidade, Sant’Andria, sa de sas mòngias caputzinas, Santu Giagu, Sant’Antoni e Santu Nigola.
Sunt sas crèsias in ue a su sòlitu si tzèlebrant sos ritos de su tzentru istòricu. A custa traditzione sos istudiantes de su Litzeu Clàssicu, a indiritzu europeu, Canopoleno, ant dedicadu unu vìdeu: Le confraternite di Sassari e le loro chiese. Protagonistas sunt sas cunfradias de su Santìssimu Sacramentu e de sos Mistèrios e sas artzicunfradias de Santa Rughe e de su Gonfalone, de s’Oratzione e Morte e de sos Servos de Maria.
Su filmadu contat s’istòria issoro e sa de custas crèsias, finas cun s’impreu de materiale fotogràficu.
(redatzione)
Leave a comment