Catalùnnia. Borràs presidente de su Parlament

Est comintzada sa chida colada sa legisladura noa de sa comunidade autonoma de Catalùnnia cun s’eletzione de sa presidente de su Parlament Laura Borràs. S’esponente de Junts X Catalunya at retzidu finamentas sos votos de s’Esquerra republicana ma non su de sa Cup, mancari siat traballende cun sas àteras formatziones indipendentistas pro unu guvernu regionale. In sa parlata sua at naradu chi sa Càmera at a dèvere èssere lìbera dae sas ingerèntzias, e chi est sa lege a si dèvere adatare a sa voluntade populare e no a s’imbesse (redatzione).