Creta e Corfù conca a unu turismu sustenìbile

Sas ìsulas mediterràneas de Corfù e Creta, in Grètzia, si sunt postas de acordu cun su Clia (s’assòtziu internatzionale de sas lìnias de crotzera) e cun su Gstc (Consìgiu globale pro su turismu sustenìbile) pro valutare sas cunditzones ambientales issoro e pro istèrrere unu pranu de atzione conca a unu turismu diferente. S’idea est nàschida in custu perìodu de Covid-19 e punnat a sos disafios post-pandemia, cando su vatzinu diat dèvere comintzare a mustrare sos efetos suos. S’anàlisi de sa sustenibilidade movet como e, in intro de chimbe meses, l’ant a isvilupare in tres fases: una preparatòria pro sa chirca e sa regorta de sos datos; una valutativa in pare cun sos imprenditores de su setore; una de anàlisi finale e disinnos de pigare. Obietivu: su de èssere cumpetitivos cun sas àteras localidades de su turismu internatzionale movende dae s’amparu de su territòriu. A los amus a bìdere sos isvilupos de custa istrategia? In s’ìntere cheret chi nos pregontemus: e in Sardigna?(redatzione)