“Sa metamòrfosi” de Franz Kafka traduida in sardu dae Manuela Mereu e publicada dae Condaghes in su 2013 (colletzione Àndalas).
“E ite m’est capitadu?” penseit issu. Ma non fiat unu bisu. S’aposentu suo, de cuddos fraigados pro òmines, unu pagu minoreddu, fiat inserradu in sos muros chi issu connoschiat. Subra de sa mesa s’agataiant ispartos totu sos iscampulàrios de pannu – Gregor Samsa fiat unu cummissu biagiadore – e in cue in artu bi fiat apicada una fotografia chi issu etotu nch’aiat segadu carchi die in antis dae una rivista e nche l’aiat posta in intro de una curnisa bella e dorada. Mustraiat una dama cun unu capeddu e un’isserpa de pedde de animale, sètzida tètera, artziende a chie la miraiat una manighita grae chi nche li cugutzaiat totu su bratzone.
Leave a comment