Retorichende: sa figura etimològica

Sa borta colada amus faeddadu de paronomàsias e de calembour, figuras retòricas chi movent dae sos giogos fonèticos intre duos o prus faeddos. Sa figura etimologica faghet parte de sa famìlia de sas paronomàsias, est a nàrrere cussas espressiones afines ma agigu diferentes e a tretu de bogare a campu tzircùitos sensoriales inèditos. Cun sa figura etimològica s’afinidade bi l’amus pro more de sa matessi raighina. Su resurtu? Una intensificatzione semàntica de su cuntzetu bàsicu cun una prus manna fortza espressiva. Un’esèmpiu nos lu dat Dante: Amor, che a nullo amato amar perdona…