“Riu mannu. The Lan(d)guage Grabbing” de Micheli Ladu. Òpera publicada dae NOR Edizioni in su 2019, colletzione ‘Isteddos’.
Aiat curtu tando lestru-lestru a domo sua, ca fiat a probe, aiat artziadu in sas iscalas a brincos a duas a duas mantenende-si a sa barandilla cun sa manu manca, chi belle nche l’ispitzigaiat dae su muru de comente fiat nannighende, acante de s’isvastulare a terra in s’ùrtima furriada de passaditzu, aiat forroncradu in sos paristàgios de s’isostre comente unu furitu e nd’aiat bogadu una casta de lughe pro campègiu chi pariat unu sole. Fiat torradu luego cun s’iscàtula galu serrada, nd’aiat bogadu sa plàstica, l’aiat manuncrada bortende-la dae conca a giosso tres o bator bortas e, agatadu ue depiat carcare, l’aiat alluta.
Leave a comment