Limba sarda, nono dae Bonàrcadu a su Testu Únicu nou

“Si su Testu Únicu chi nd’est arresonende sa Segunda Cummissione Cultura de  su Cussìgiu Regionale andat a in antis b’at a àere  atziones  de protesta democràtica fortes a beru”. Est su messàgiu chi benit dae s’assemblea regionale de sos espertos  e apassionados linguìsticos de su Coordinamentu pro su Sardu Ufitziale reunida  in  Bonàrcadu.

Unos 300 ativistas ant dadu vida a duas dies de dibàtidu mannu in sa de bator editziones de sa Festa de su Sardu Ufitziale, approvende unu documentu chi ant a imbiare a sa Segunda Cummissione de su Cussìgiu.

A pàrrere de Pepe Coròngiu, portaboghe de su Csu, s’Itàlia e s’Europa amparant sa limba prus de su chi non faghet  sa Regione Sarda. Durante sos traballos, in ue fiat  presente su rapresentante de su  guvernu catalanu in Sardigna Joan Elies Adell, s’assemblea at aprovadu fintzas un’òrdine de sa die de solidaridade  a sa Catalugna, cun sa “rechesta a s’Europa de intervènnere pro nche torrare sa legalidade democràtica”.

 

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com