Sos Condaghes, documentos sardos antigos

de Sarvadore Serra

1 Condaghe di San Gavino Su condaghe (fintzas condake, condaxi, fundaghe, in limba sarda, dae su bizantinu κοntàkion: forma de innu litùrgicu) fiat unu documentu amministrativu chi impreaiant in sa  Sardigna bizantina e giuigale, pagu prus o mancu  dae su sèculu  l’XI a su sèculu XIII  . Custu tèrmine, a sa prima,  definiat  sa regorta de sos atos de donatzione in favore de un’ente eclesiàsticu; pustis at otentu un’estensione semàntica prus manna, descrivende unu registru patrimoniale in ue colliant inventàrios e annotatziones chi pertocaiant atos notariles e giuditziàrios (comene eredidades, donatziones (Datura), pèrmutas (Tràmutu), cummèrtzios, pretos (Kertu) relativos mescamente  a crèsias o comunidades religiosas, cun sa voluntade  de atestare e dare una data segura a eventos giurìdicos ùtiles  si b’aiat pretos. B’at fintzas unu condaghe làicu:  l’at fatu iscrìere  su giùighe Barisone II de Torres, soveranu de su Logudoro, chi, in su  1190, at fatu cumpilare s’elencu  de sas donatziones  fatas in  favore de s’Ospidale de Santu Lenardu de Bosove. E bi sunt puru sos condaghes de fundatzione, testos narrativos, pervènnidos in còpia,  de su sèculu  XVI o XVII, ma chi s’orìgine issoro nche torrat  a sos primos perìodos bassu-medievales. Contant  legendas misturadas cun fatos istòricos  ligados a sa cunsacratzione de unas cantas crèsias. In mesu de custos bi sunt  su  Condaghe de S. Baìngiu, de S. Maria de Tergu, de sa Trinidade de Sacàrgia.

Materialmente cunsistiant in manuscritos in pergamena, ligados comente ischedas postas subra a pare e,  in fines,  imboligadas   a unu fuste (chi sos bizantinos in gregu li naraiant kontakion, tèrmine chi est abbarradu pro inditare su documentu intreu), leende,  pustis,  s’aspetu prus  familiare de libros. Su prus de sos condaghes redatados in sos “scriptoria” de sas  diòtzesis e de sos monastèrios sunt andados pèrdidos:  in mesu de sos chi si sunt sarvados bi sunt sos condaghes de  Santu Pedru de Silki, de Santu Nicolau de Trullas, de Santu Micheli de Salvennor e de Santa Maria de Bonacatu.

Sos condaghes , in prus,  sunt  parte de sas  primas provas documentàrias  de sa limba sarda.

  • Condaghe de Santu Baìngiu

o Condaghes Sancti Gauini, Prothi & Ianuarij, sos tres màrtures turritanos. Resumet  sos eventos de sas primas fases  de afirmatzione de s’istitutzione giuigale, de sa fundatzione e de sa cunsacratzione de sa basìlica de S. Baìngiu cunforma a s’assentu  architetònicu de como. Faeddat de sa nàschida de sos giuigados, de sos primos giùighes – Comita e su fìgiu Orgodori (cumintzu sèculu X- cumintzu sèculu XI) –  e de sos custrintos  – sas sorres  de su giùighe Comita, est a nàrrere Caderina, Pretziosa e Giòrgia.

  • Condaghe de Barisone II2 Condaghe di Barisone II

Est s’ùnicu condaghe làicu chi est lòmpidu a nois. Su giùighe Barisone II de Torres, soveranu de su Logudoro, in su  1190 aiat fatu cumplilare s’elencu de sas donatziones  chi issu, fintzas a nùmene de sa  mugere Marcusa de Gunale e de su fìgiu Costantine, aiat fatu in favore de s’Ospidale de Santu Lenardu de Bosove, localidade chi currispondet a su bighinadu de  Latte Dolce de  Tàtari, istrutura pro agasagiare sos lebrosos.

  • Condaghe de Santa Maria de Bonàrcadu

Est su manuscritu n. 277 costoidu in sa  Biblioteca Universitària de Casteddu, redatadu intre su 1120 e su 1146, in variedade sardu arborensa. Est una regorta  de  documentos  – chi si podent incuadrare  cronologicamente dae su cumintzu de su  sèculu XII fintzas a sa medade de su  sèculu XII, chi presentant sas trascritziones  de sos atos relativos a sos movimentos patrimoniales de su monastèriu de Santa Maria de Bonacatu.

In su condaghe b’at variantes diferentes (comente Bonarcatu, Bonarcato o Bonarcanto) de su topònimu Bonàrcadu, chi protzedit  dae su tèrmine  gregu bizantinu Panàchrantos (immaculada, purìssima), chi gasi mutiant sa  Vìrgine Maria in su  santuàriu de Nostra Sennora de Bonacatu.

Dae su documentu prus antigu de su condaghe, chi si podet datare a fùrriu  a su 1110, benimus a ischire chi  sos prades Beneditinos si sunt insediados in Bonàrcadu pròpiu in cussu tempus. Custu  documentu narat chi su giùighe de Arbarèe Costantine I de Lacon-Serra, cun sa mugere Anna de Zori e cun su cunsensu de s’archipìscamu de Aristanis, at istituidu una donatzione  e at fatu fraigare unu monastèriu in onore de sa Trinidade e de sa Vìrgine Maria mama de Deus.

Dae duas   pergamenas antigas benimus a ischire chi in su  1146-47 b’est istada s’inauguratzione  de sa crèsia camaldolesa. Sos duos documentos nos informant chi su giùighe de Arbarèe Barisone I de Lacon-Serra at crèschidu cun donatziones noas  sos possidimentos  de su monastèriu in ocasione de sa cunsacratzione solenne  de sa  crèsia noa  de Santa Maria, chi b’ant leadu parte  fintzas s’archipìscamu  arborensu Comita de Lacon  e sos pìscamos  Paucapalea, Alibrandinu de Terralba, Murrellu de Usellus. In s’eventu ant leadu  parte fintzas  s’archipìscamu de  Torres cun unu pìscamu suo,  sos rapresentantes  de sas  curatorias arborensas, s’archipìscamu de  Pisa ( comente legadu pontifìtziu) e sos giùighes  de sos àteros tres  giuigados de Sardigna: Costantine II Salùsiu III de Calari, Gonare II de Torres, Costantine III de Gaddura.

  •  Condaghe de Santu Micheli de Salvennor

Leat su nùmene dae s’abbadia chi s’agataiat intre Piaghe e Codrongianos, in ue bi fiat sa bidda medievale de Salvennor. Su documentu est collidu  in s’Archìviu de Istadu  de Casteddu (Fundu Antigu Archìviu Règiu, C. 4, B 75). Sas primas notìtzias de s’abbadia bi sunt  intre su  1127 e su 1139. Sa prima carta est de su 1121. Sas ùrtimas cartas sunt de pustis de sa ruta  de su  Rennu  de Logudoro, e nche torrant  a sas prima dècadas de sa segunda medade  de su  1200. Su CSMS si diferèntziat dae sos  àteros condaghes ca est una tradutzione in ispagnolu (cun paràulas catalanas medas) de su testu in sardu chi s’est pèrdidu,  de su cale unos 30 annos a como ant agatadu 4 ischedas. Semper e cando bi sunt sos nùmenes in sardu de sos possidimentos  chi s’abbadia de Salvennor aiat in curadorias medas (Coros, Nurra, Romangia, Nurcar, Caputabas, Nuketu, Goceano).

  •  Condaghe de Santu Nicolau de Trulla

 Est de su 11151176. Resurtat chi su  29 de santugaine de su  1113 sa crèsia l’at donada sa famìlia de majorales de sos  Athen a sos mòngios de  Camaldoli. In custu atu de donatzione si faghet riferimentu a sos donnos heremitas chi teniant su deretu de sighire a impitare cussas istruturas (ci vi sunt comodo in su eremu et hibi habent essere a vestara).

  • Condaghe de Santu Pedru in Silki

4 condaghe SilkiSas primas cartas sunt de su 10651180 e sos iscritos prus frecuentes  sunt sos de  s’Abbadissa Massimilla in su  1180 . In custu condaghe  bi sunt sos atos relativos a sa cunsistèntzia patrimoniale de crèsias e monastèrios  a fùrriu  a s’abbadia benededitina de Silki fundada in Tàtari in su 1065. Su condaghe includet sos condaghes  betzos de Santu Pedru (dae su 1065), de Sant’Imbiricu, de Santa Maria de Codrongianos. Su manuscritu est collidu in sa  Biblioteca Universitària  de Tàtari. Aco’ unu bìculu de custu documentu:

« Ego Maximilla, abatissa de scu. Petru de Silki ki lu renouo custu condake, ad unore deus innanti, e de scu. Petru e de sca. Julia, e ccun boluntate dessu donnu meu iudike Gunnari, e dessu fiiu iudike Barusone, e dessos frates, e dessos maiorales de Locudore, dandem’isse paragula de renobarelu su condake. »
Ligàmene: https://it.wikipedia.org/wiki/Condaghe

2 Cummentos

  1. Juanne Pedru says:

    Eo apo sas copias de su condake de S.M. de Bonarcadu e de Santu Pedru de Silki.
    ” …s’abbadia benededitina de Silki fundada in Tàtari in su 1065″. Una impretzisione kena perunu importhu, ma la kelzo signalare: SILKI in cussos tempos no fit in Thathari (est ishritu gasi, cun sa doppia “Th” in su condake) ma fit una ‘idda accultzu como a intro a sa tzitade. Si agatant galu sas ruinas in sa corthe de sos monacos de Santu Pedru.

  2. Juanne Pedru Canalis says:

    Eo apo sas copias de su condake de S.M. de Bonarcadu e de Santu Pedru de Silki.
    ” …s’abbadia benededitina de Silki fundada in Tàtari in su 1065″. Una impretzisione kena perunu importhu, ma la kelzo signalare: SILKI in cussos tempos no fit in Thathari (est ishritu gasi, cun sa doppia “Th” in su condake) ma fit una ‘idda accultzu como a intro a sa tzitade. Si agatant galu sas ruinas in sa corthe de sos monacos de Santu Pedru.

Lassa unu cummentu

S'indiritzu email tuo no at a èssere publicadu. Is campos pedidos sunt signados *

*

shared on wplocker.com