Anthony Muroni cras at dadu apuntamentu a sos amigos e sa sos curiosidadosos in Casteddu. Logu: su “foyer” de su Teatru Màssimu a sas 10 e mesu de mangianu. Su giai diretore de L’Unione Sarda at presentare unu progetu a sorpresa.
Ite at a èssere? Non s’ischit ca s’istrategia comunicativa impreada est cussa de lassare chi su “mistèriu” s’acrarat petzi a su momentu, cando su giornalista e iscritore at a iscobiare su chi at in conca e ite est ammanniende. S’òmine est de cuddos tostos, una resursa pro sa Sardigna: bastat a bìdere su comente e su pro ite at lassadu su giornale chi dirigiat.
Tando, nois, s’ùnica cosa chi podimus fàghere est a publicare una sintesi de su chi su diretore aiat naradu in sa Festa de sa Limba ufitziale su 25 de cabudanni coladu e lassare a sos letores sos congruos.
<Sa classe dirigente tenet sa responsabilidade de fàghere carchi cosa pro sa Sardigna ca semus andende male. Ma ite faghet?>
<Non chèrgio fuire dae su chi si narat in custas dies. Sa vida mia est sa de su giornalista. Chèrgio trancuilizare a totus: sigo a fàghere su giornalista e lu naro inoghe>.
<Ma leo s’impignu in su triballu de impreare s’italianu, ma finas su sardu e sardu comune.>
<Ma leo un’àteru impignu: non mi caglio. Sigo a faeddare e a denuntziare. Su chi càpitat a sa limba standard est chi est cuntrastada: ca b’at a chie non li cumbenit e chie timet. Gasi est sa polìtica prus manna>.
<Sas cosas no andat bene in sos trasportos in sas siendas in sa bancas. Non cherent una polìtica bona ca a medas non cumbenit e sos àteros timent.>
<B’at finas indipendentistas e sovranistas chi gestint su podere de custa polìtica comente sos àteros. Ca lis cumbenit a non cambiare. Controllade-los. Ca bi cheret controllu pro evitare chi nde ghetent sa Sardigna a terra pro sos interessos issoro.>
<Gasi comente sa polìtica anti standard de sos acadèmicos serbit a ochiere su sardu e a resetare sos sardos pro nde fàghere gente sena identidade chi ponet in mente a chie cumandat>.
A cras pro sos curiosidadosos e pro sos chi istimant.
H.10.30 foyer Teatru Màssimu, h. 10.30, presentatzione de su progetu a sorpresa de Anthony Muroni .
Benide in medas sos de sa limba sarda pro un’òmine chi meresset.
Leave a comment