Sos patimentos de unu giòvanu #15

Sos patimentos de unu giòvanu #15

“Sos patimentos de unu giòvanu” de Johann Wolfgang Goethe, òpera traduida in sardu dae Manuela Mereu e publicada dae Condaghes in su 2015 (colletzione Àndalas).

26 de santandria de su 1771
Mi paret chi so cumintzende a mi nch’agatare bene in custu logu. B’at unu muntone de ite fàghere e totu sa gente chi addòbio, totu custas figuras noas paret chi nch’abbivant s’ànima mea. Apo connotu a su Conte de C., un’òmine chi istimo semper prus, òmine àbile meda ma non fritu, ca cumprendet a primore; e sende chi tratamus meda m’abbìgio chi tenet una sensibilidade de assentu pro s’amighèntzia e s’amore. M’at dadu atentu dae deretu, dae cando so andadu sa primu borta pro fainas de traballu e at cumpresu chi fìamus in cuncòrdia in sos pensamentos nostros e chi cun megus podiat allegare sena duda peruna. E no agato paràulas adeguadas pro nche nàrrere de s’istima chi m’at tentu assora. Non b’at gosu prus diosu e corale comente cando un’ànimu nòbile nch’aperit su coro a un’àteru.

 

 

 

Leave a comment

Send a Comment

S'indiritzu email tuo no at a èssere publicadu. Is campos pedidos sunt signados *