Sighit sa pelea de Puigdemont, de Comín e de Ponsatí

Su Tribunale de s’Unione europea at respintu sa rechesta de suspensione de sa rèvoca de s’immunidade parlamentare pro s’ex presidente de sa Catalugna Carles Puigdemont e pro sos ex ministros suos Toni Comín e Clara Ponsatí. S’immunidade bi l’aiat revocada, in martzu, su bonu de su Parlamentu europeu. «Non b’at motivu – gosi su Tribunale – de pensare chi sas autoridades giuditziàrias belgas o de un’àteru istadu membru potzant esecutare mandados de arrestu pro sos deputados cunsignende·los gasi a sas autoridades ispagnolas». Sa cronistòria: su 13 de ghennàrgiu e su 10 de freàrgiu su presidente de sa segunda setzione de su “Tribunal supremo” ispagnolu nch’imbieit a Bruxelles sa rechesta de rèvoca de s’immunidade. Su 9 de martzu su Parlamentu europeu revocheit s’immunidade. Su 19 de maju Puigdemont, Comín (in Bèlgiu) e Ponsatí (in Iscòtzia) recurreint pro s’annullamentu de custos disinnos. Bèlgiu e Rennu unidu no ant galu disinnadu si esecutare o mancu sa rechesta de estraditzione. Su caminu pro sa libertade issoro est galu longu.

màuru piredda