Sos Shardens si sunt classificados, paris cun àteros sete grupos musicales, a sa finale sarda de Sanremo Rock & Trend 2020/21, fase preliminare a sa seletzione finale a livellu italianu.
Su cumplessu faghet una mùsica “epic rock”, cun sa particularidade de cantare in sardu.
Sos musitzistas sunt Mimmo Fancellu de Ùsini, Massimo Chessa, Danilo Ibba, Dario Pinna e Giuseppe Usai de S’Alighera, Sebastiano Deriu de Cossoine, Pier Giulio Carta e Gavina Fiori de Tàtari e Laura Mancusa de Portu Turres.
Pro custu discu, intituladu Epic music of Sardinia, sas paràulas de sas cantzones sunt leadas dae su libru Dae Corrau a oe, regorta de poesias usinesas.
S’obietivu est lòmpere a su mercadu nordeuropeu, su prus sensìbile a custa genia de mùsica.
Su mixàgiu est de sa SoundRoom Studio Recording e su mastering finale dd’at a fàghere Peter Doell in Los Angeles.
Sas cantzones de sos Shardens ant a èssere disponìbiles in youtube, itunes e googleplay.
(gm)
Leave a comment
Avveru bravos et straordinarios l’ appo ascurtare su YouTube, iTunes e Google play.
Avveru bravos et straordinarios, l’ appo ascurtare su YouTube, iTunes e Google play.