Custu est s’invitu a sa presentada de sos cursos de limba e cultura vasca in Ungheria, in ube la imparant in sas duas prus mannas universidades de su logu, in Budapest e in Seghedinu.
Su euskera est una limba cun medas limbàgios (dialetos / variantes), finas diferentes meda s’unu dae s’àteru, chi donzunu sighet a faveddare; e bellegai est una limba chi tenet un’istandard, su “euskera aunidu”, impreadu dae s’amministràtzione, dae sos mèdia, in sa tv, in s’iscola, in totue in Euskal Herria.
Duncas medas dialetos, donzi bidda su sou, ma un’istandard ebbia, non duos, tres, battor: ca sos istudentes in Ungheria e in deghinas de universidades in totu su mundu si marcant a unu cursu de euskera, no de navarru o de viscainu o de ghipuscoanu o de suletinu o de labortanu… dialetos chi chie lu chèrgiat podet imparare a pustis.
Ah, un’ùrtima cosa chi a beru ispantat ca est cosa chi casi non faghet a bi crèdere: a su chi paret, a sos dotzentes de custa limba, e mescamente a sos chi traballant in s’universidade, su euskera lis tocat a lu connòschere e finas a lu faveddare bene!