Sergio Milia dixit: su bilinguismu pro una crèschida econòmica, sotziale e culturale

Sergio Milia
Sergio Milia

Il bilinguismo è una risorsa contro la crisi e può essere la base per un nuovo progetto di rilancio economico, sociale e culturale per la Sardegna. La lingua sarda e le varietà alloglotte (sassarese, gallurese, catalano e tabarchino) devono unire le nostre genti e non dividerle.”

Gasi aiat naradu Sergio Milia, Assessore a s’Istrutzione Pùblica, Benes Culturales, Informatzione, Ispetàculu e Isport de sa Regione Sardigna in Aggius, in su mese de Nadale, s’ùrtima die de sa de setes Cunferèntzias Regionales de sa Limba Sarda. E gasi at torradu a iscrìere mèrcuris coladu in sa pàgina sua de Facebook, annanghende “Le leggi di tutela, seppure perfezionabili, ci sono. La nostra politica mira a fare in modo che la lingua sarda e le varietà alloglotte uniscano le genti e che siano la piattaforma da cui ripartire culturalmente, socialmente ed economicamente. I tanti e preparati operatori linguistici , insieme agli attivisti, ai militanti, agli attori di teatro, ai musicisti, ai numerosi poeti e scrittori, ai coristi e ai cantori e alla gente comune,e si auspica anche alla Scuola ed alla Chiesa, possono garantire il futuro de sa limba, la linga, la llengua, a lengua.”

Su de mentovare sa Crèsia no est istadu de badas: difatis pròpiu mèrcuris in sos giornales e in sas televisiones sardas est essida sa nova chi forsis b’at disponibilidade dae parte de su Vaticanu a fàghere nàrrere sa missa in limba sarda. Si podet dare chi s’at a cumentzare cun su ritu de su batìsiu e s’at a sighire cun una gollida de cantos traditzionales sardos chi ant a devènnere parte ufitziale de sa missa. Pro su bilinguismu e s’ufitzializazione de sa limba sarda diat èssere unu passu mannu ca forsis sa gente a pustis de la bìdere impreada semper de prus dae entes che a sa Regione, Provìntzias e Comunas, bidende·la impreada fintzas dae piscamos e preideros, la diat bìdere cun ogros diferentes.

Su meledu de s’Assessore est istadu duncas de importu mannu ca at cunfirmadu s’impignu e sa punna de sa Regione a ismanniare sos impreos de sa limba in sos tretos de s’ufitzialidade, ma fintzas un’ispuntzonadura a àteras istitutziones che a s’iscola e sa Crèsia a impreare de prus su sardu. Pro su bene de sa gente e de su tempus benidore.