In Otieri su 20 de abrile s’at a fàghere: Limbas de Itàlia, un addòbiu pro faeddare de sas limbas de minoria chi bi sunt in Itàlia in ue s’at a arresonare de unas cantas chistiones chi pertocant sa tutela e s’afortimentu de custas limbas.
Sa faina est a incuru de su sòtziu “Biennale de Otieri” e de sa Fundatzione Andria Parodi, cun su patrotzìniu de sa Comuna de Otieri e cun su cuntributu de ‘Assessoradu de sa Cultura de sa Regione Sardigna.
Sa faina est parte de s’atividade chi sa fundatzione Andria Parodi at cumentzadu pro ammentare sa figura de s’artista e pro chi si diat cara semper de prus a sa chistione de sa limba sarda e de sas àteras limbas de minoria.
In Otieri pro afrontare custos temas s’ant a imbènnere istudiosos de cabbale chi benint dae totu sa Sardigna e dae su Friuli Venezia Giulia.
S’addòbiu est tremesadu de custa manera: a parte de mangianu b’ant a èssere sos arresonos de Antoni Canalis, Baìngiu Contu, Andria Del Favero e Antoni Deiara, ghiados dae Otàviu Nieddu;
Imbetze a parte de sero s’at a ascurtare càntigos a tema a pitzu de sa chistione de sas limbas de minoria.
