Su mercadu de su Casteddu galu est a comintzare, ma su Presidente Cellino custas dies est acumprende sa còmpora de unu defensore grecu. Est Marios Oikonomou chi ocannu at giogadu in su Pas Giannina e chi lu podent impreare finas in mesu campu. Su negòssiu est mesu a sa cua, ma sa cosa est belle che fata. Sos dirigentes de su Casteddu ant bìnchidu sa cuncurrèntzia de sotziedades de importu che a s’Udinese e che a sa Fiorentina.
Miguel Anderson Da Silva “Nenè”, sa punta brasiliana at rennoadu pro un’àteru annu su cuntratu cun su Casteddu e annoas puru at a giogare in sèrie A cun sa sotziedade de Cellino.