Su 29 de custu mese, in Udine, in sa Sala Paulin di Aquilee, presentant su ditzionàriu bilìngue italianu friulanu. Sa cosa l’at organizada s’ArLEF. In su ditzionàriu b’at belle 62.000 lemas italianos (a fùrriu de 46.500 lemas monoremàticos e 15.500 poliremàticos) e unos 63.500 lemas friulanos (a fùrriu de 45.000 monoremàticos e 18.500 poliremàticos).
S’òpera, como publicada in pabiru, est istada divulgada in rete dae su situ CFL2000, e est istada inserida annu cun annu, moende dae su 2006, manu manu chi s’agiunghiant lemas noos. S’òpera servit a insinnantes, istudentes,giornalistas, iscritores e totu sos chi lis agradat a iscrìere in friulanu e devent fàghre sos contos cun sa cumplesidade de sa comunicatzuione chi rechedet paràulas noas o semantizatziones noas de paràulas patrimoniales.
Si non si faghet gasi, su friulanu at a èssere sustituidu dae s’italianu, in antis in s’àmbitu de sa comunicatzione formale, pustis in sa comunicatzione familiare e cuotidiana. Ant a intervènnere, in custa cunferèntzia, Silvana Fachin Schiavi, Silvana Ferrari, Sandri Carrozzo, Diegu Corràine, Fabio Chiocchetti. Sos traballos los at a moderare William Cisillino.
Leave a comment