Cunferèntzia de CSU in Casteddu: una proa de fortza

Cunferèntzia de CSU in Casteddu: una proa de fortza

 

 

 

 

IMG_1660

Sa contracunferèntzia de su Coordidamentu pro su Sardu Ufitziale in Casteddu est andada bene e at mustradu a totus sa fortza de custu comitadu. Sala prena in s’hotel Regina Margherita, cobertura mediàtica belle totale, militantes e ativistas totus a favore de sa lìnia seberada dae s’assemblea diretiva.

Sa die de eris diat èssere a beru de ammentare ca podiat èssere a beru un’arriscu a aparitzare in Casteddu  una faina che a custa sende chi in medas non la cheriant e medas la timiant. In tamen at funtzionadu totu e sa resèssida est istada manna a dispetu  de su chi pensaiant sas corrogas. Finas sa medida intre sa parte iscientìfica e cussa polìtica est essida a mesura e sas duas bandas si sunt mesturadas a pare cun sabidoria sena istèsiu o istrobbu.

De balia s’isterrida de Roberto Carta (CSU), rica sa relata de Sabrina Rasom (minoria ladina de sa Badde de Fassa), cumpetente e funguda cussa de Christian Romanini (minoria linguìstica friulana). Pepe Coròngiu, no at faeddadu meda, m’at istrinadu paràulas acutzas e sàbias, ma finas messàgios a sa polìtica. E at criticadu meda a su cussigeri regionale Paolo Zedda, autore de sa proposta de “Is Arregulas”  pro isperrare su sardu in duos. Atzudu e animosu su dibàtitu polìticu finale.

In fines, su chi su Csu at chertu nàrrere cun sa cunferèntzia est chi s’atividade sua de apretu de sa classe dirigente sarda pro nche la ghiare a fàghere una polìtica linguìstica atziva at a sighire. Su CSU non chircat dinare, incàrrigos, contributos, consulèntzias e no est in bèndida. Cheret petzi chi si fatzat una polìtica linguìstica a sa sèria. E, si calicunu est ischidu, at a cumprèndere chi sena su CSU non si podet fàghere nudda ca in àteros logos non b’at massa crìtica. Però, si sa Regione andat in sa sèmida pretzisa, no at a mancare mancu su sustènniu “a ragion veduta” de su Coordinamentu pro su Sardu Ufitziale.

 

IMG_1665

 

IMG_1666

 

IMG_1669

 

IMG_1671

 

IMG_1681

IMG_1675

IMG_1674

 

Leave a comment

2 Comments

  1. So cuntenta e gràtzias a totu su comitadu!

  2. este una kosa manna mi faghede meda piaghere mi dispiaghede ka no bi seo potziu andare bos fatto sos augurios mannos ajoooooo

Send a Comment

S'indiritzu email tuo no at a èssere publicadu. Is campos pedidos sunt signados *