Eris 4 de trìulas de su 2013 est acumpridu su primu cursu FOLS, formatzione de operadores de sa limba sarda.
Su cursu l’ant tremesadu su Servìtziu Regionale de sa Limba e de sa Cultura Sarda e sa Sotziedade cooperativa L’ALTRA CULTURA de Aristanis.
Pro 51 oras sos dischentes ant ascurtadu letziones a pitzu de custos argumentos: sa realidade sotziu linguìstica de sa Sardigna e su ruolu de is operadores; s’amparu giurìdicu de is limbas e de is minorias linguìsticas; istandard regionale e variedades diatòpicas ; su reconnoschimentu polìticu-sotziale de sa limba sarda; su reconnoschimentu iscientìficu de sa limba sarda; sas normas linguìsticas de riferimentu;sa pianificatzione linguìstica in Sardigna.
S’ùrtima letzione l’ant fata sos prof. Bielle Jannacaro e Vitòriu Dell’Aquila, caddos mannos de sa pianificatzione linguìstica europea, chi ant afrontadu custu tema faghende finas proare sos dischentes a fàghere sèberos de istandard, leende a esèmpiu sa limba ladina.
A pustis a totu sos dischentes lis ant cunsignadu s’atestadu de frecuèntzia.
A nd’àere bonu profetu.