Unu de sos programmas pro sa polìtica linguìstica prus de importu est su de su Fronte Indipendentista Unidu , chi finas in custu giornale est istadu presentadu.
Est unu programma a beru de remeju, chi, a nde cumprire su mesus, diat èssere sa sarvaria segura de su sardu.
Ma in s’abertura de sa campagna eletorale de Fronte Indipendentista Unidu in Nùgoro Ines Caria at faeddadu in italianu, e faeddende de sa limba sarda at naradu chi l’ant fata devènnere minoritària.
Su chi non si cumprendet est CHIE est chi custa limba sarda l’at posta a limba de minoria?
E un’àtera cosa chi non si cumprendet est comente mai chie, in sos programmas suos, narat chi sa limba sarda non devet èssere limba de minoria ma la minorizat etotu ca no l’impreat in momentos chi sunt a seguru de importu che a s’abertura de una campagna eletorale.