de Anzelu Canu In sa dibata subra sa limba sarda de custas dies, de importu mannu est s’opinione de Màriu Carboni, chi in su profilu suo de Facebook at criticadu a manera forte su grupu/comitadu “Bilinguismu Democràticu” de Perra, Pili e Porcu. Issu narat chi sa chistione chi pertocat sa limba est prus polìtica che linguìstica e chi sos de su comitadu sunt gherrende contra a sa “batalla natzionalista e de liberatzione sarda”. “Custos “democráticos” m’ammentan sas republicas democráticas de su tempu de su comunismu. Cando si at su bisonzu de ponnere a facca de calesisiat concettu sa peraula democraticu cheret narrer chi bat carchi cosa chi no andat. Si sunt pro subilinguismu democraticu cheret narrer chi pro issos sos ateros chi no la pensan comente a issos praticant unu bilinguismu no democraticu. Sa veridade est chi non catigant e no lassant catigare. Sigomente pro issos bi sunt duas limbas sardas, diferentes e inconciliabiles, su campidanesu e su logudoresu, concettu inbentadu filo colonialistas pro dividire sos sardos in duas natziones, sa chistione no est de limba ma politica. Sunt contra sa possibilidade cuncreta de imparare su sardu in sas iscolas e de lu impreare in sos media ca pro lu fagher bisontzat unu istandard unicu. In definitiva sunt puru contra s’indipendentzia de sas natzione sarda ca in manera maniacale sun sabotende s’argumentu fundamentale de sa batalla natzionalista de liberatzione sarda. S’articulu (https://salimbasarda.net/politica-linguistica/sa-trampa-prus-manna-de-sa-limba-sarda/, ndr) ispiegat bene meda chie sunu e itte cherent. Toccat de los lassare cantare e sighire a tribagliare pro sa LSC.”