-
“La questione “lingua” è praticamente sparita dalla campagna elettorale e non vedo grande agitazione tra gli, altrimenti instancabili, linguisti in movimento” Nono, no est beru: non b’at mai àpidu campagna eletorale in ue sos polìticos (ma fintzas giornalistas e mèdios massivos) ant faeddadu de limba che a custa borta.
-
“Grande sconfitta per il movimento linguistico o per quello che ne rimane. ” Su movimentu linguìsticu est bivu e forte e si bidet pròpiu dae su puntu 1: at a èssere sena istrutura forte, male ordimingiadu, unu pagu brigantinu, ma b’est. E a bìdere meu est fintzas binchende.
-
“Chi in questi anni ha cercato di contrabbandare la LSC per lo “standard” del sardo sarà rimasto deluso.” Fintzas a como s’istandard est sa LSC (cun totu sas faddinas o megioros chi podet tènnere) e non b’at àteras propostas in campu si non sa dialetizatzione de su sardu. Difatis polìticos e giornalistas chistionant petzi de sa LSC e non de àteras propostas “fantomàticas”. A pustis podimus allegare si agradat o nono, si si podet galu megiorare, si est istadu atzetada o nono: ma sunt àteras chistiones.
Tres cunsideros: cando bois narades “Da quello che ho potuto sentire, non mi sembra che Pigliaru consideri la questione linguistica come una delle priorità della Sardegna”, est beru, comente est beru chi b’at paritzas mòvidas cuadas in custa campagna eletorale (sos italianos la mutint “sottotraccia”) chi unu chi est in foras non bidet.
Su de duos: sos chi traballant cun sa limba ischint bene chi a segunda de chie binchet o perdet binchet o perdet sa limba.
Ergo, su de tres: pro su chi pertocat sa polìtica linguìstica la penso che a Paolo Cantarella (??????? e su “pizzinu” suo) cando iscriet chi b’at chie at idea de andare a in antis e chi b’at chie at idea de torrare a in segus: cunforma a custu in meda ant a detzidere pro chie votare.